ياطيبة يا أمى
كلمات سعيد الشاعر
انتى يا اغلى الناس سلام ليكى يا امى
ياملكة الاحساس ياطيبة يا امى
سهرتى سنين طوال تشيلى من همى
انتى بر الامان ياطيبة يا امى
مهما دار الزمان واتبدل المكان
واتغير الوطن انتى وطنى يا امى
يا امى يامدرسة ومنك بنتعلم
الحكمة والموعظة وبلسانك اتكلم
يامعلمانى الصوم والفرض والسنة
والذكر والتسابيح وطريقى للجنة
عشتى مابين الناس بالطيبة والاحساس
قلبك ميزان حساس بالحب يا امى
ادعى لربى واقول يارب يطول عمرك
وفى حضنك الدافى انول رضاكى يا امى
امى يانور عينى صورتك قصاد عينى
بيكى تفكرنى مع انى مش ناسى
انتى الحنان والرضا والشهد فى لسانك
اتمنى يوم اللقاء اكون فى احضانك
احلف برب الناس انتى سبب سعدى
ورضاكى طريق واساس للجنة يا امى
الأحد مارس 01, 2009 5:58 am
